SCHON  0350BÄUME GEMELDET!

Baumgeschichten
8b-Berrnboom.JPG

Ool Beernboom

Jümmers wedder kümmt een
un seggt: he mutt afhaut warrn.
Jümmers wedder kümmt een
un seggt: driggt he denn noch?
Jümmers wedder kümmt een
un seggt: dat lohnt doch nich
un denn dat vele Loof in Harvst
un all de Arbeit!
Kannst keeneen verkloren,
wat he di bedüden deit,
wo sien Leed klingt,
wenn de Wind dörch
de Bläder geiht,
wo de Beern smeckt,
wenn de Harvst se
op’t Land smitt
un wo ’t rüken deit
ut ’n Backaven,
wenn du Backobst maakst.
Wat gifft nich allens,
wat wi hegen un plegen doot
un düssen olen Boom
so mi nix di nix afhaun?
Kannst dat nich verkloren,
wat du föhlst,
wenn dien Hannen
över sien ruge Rinn faat.

Karl- Otto Detlow

BINGO! - Die Umwelt Lotterie Schleswig-Holsteinischer Heimatbund e.V. Stiftung Naturschutz Schleswig-Holstein Landesamt fuer Landwirtschaft, Umwelt und ländliche Räume - Schleswig-Holstein