SCHON  0350BÄUME GEMELDET!

Baumgeschichten
8a-Flderbeerboom.jpg

Flederbeerboom

Wi seggt Flederbeerboom.
Wi gaht to’n Flederbeerplücken.
Wi drinkt Flederbeersaft.
He heet ok Ellhorn un is ’n Busch,
de de Minschen nalöppt,
un is ’n Busch, de in Hecken wasst,
an Muern un Huuswännen.
An’n Messfaalt steiht he
un in de Höhnerbucht,
mang Plummen- un Appelbööm.
He bruukt nich veel Platz,
he bruukt nich veel Sünn.
Hest em al mal raken
In Junimaand?
He driggt all Johren.
Sien Beeren sünd för de Vagels dor.
Sien Beeren sünd för de Minschen dor.
Sien rugen Bläder nimmt
de ool Fru to’n Bespreken,
wenn de Doktern ich mehr helpen kann
bi Gördelroos un Flecht.
Ool ellhornbusch, achtern an’n Knick,
wi seggt Flederbeerboom,
ik tööv al wedder, bit ’t losgeiht
mit Drahtkorf un Ammer.
Kümmt denn de Harvst
mit Daak un Küll,
mit Hoosten un Snööv,
denn dampt de Flederbeersaft
in de Glääs
un warrt uns kurer’n.

Karl-Otto Detlow

BINGO! - Die Umwelt Lotterie Schleswig-Holsteinischer Heimatbund e.V. Stiftung Naturschutz Schleswig-Holstein Landesamt fuer Landwirtschaft, Umwelt und ländliche Räume - Schleswig-Holstein