SCHON  0350BÄUME GEMELDET!

Baumgeschichten
5a-de-unendlliche-Geschich-1.jpg

De unendliche Geschicht

Mien Mudder hett den Artikel över de olen Bööm in de Zeitung leest un meen, of ik nich Lust heff, dor mittomaken. Mien Vadder, de mit an den Fröhstücksdisch seet, füng foorts an, vun den Eekboom to vertellen.

1972 sünd mien Vadder, sien Broder un sien Unkel op de Idee kamen, en Ganzdack-Speelhuus ut Larkenholt un Sworten in uns Goorn to buen. Vör dat Huus stellen se en Bank. Ünner düsse Bank kiem al in dat eerste Fröhjohr en Eekel. Bald müss de Bank weg, wlel dat he den Eekboom stören dee, de intwüschen ut de Eekel entstahn weer.
Na en poor Johr weer dat Speelhuus rott un wörr afreten. De Eekbom weer to düssen Tietpunkt al över twee Meter hooch. De Boom wasst un wasst. 2003 harrn mien Öllern 10johrigen Hochtietsdag. Dor hebbt se en Rundbank schenkt kregen, de se üm den Eekboom stellen. 2003 weer noch en Barg Platz för den Boomstamm. Nu hebbt wi 2013. De Boom is al um de 9,40 Meter hooch, is 1,36 Meter dick un de Bank passt ok al meist nich mehr rum. De Boombank mutt also ok bald weg. So slimm is dat aver ok nich, wiel dat en Stück wieder langs. So twüschen 1990 un 1995, en anner Eekboom wussen is. Domals stünn dor noch en Gewächshuus, wat aver nu al lang opsleden is. Dor kunn de Boombank den rumkamen.
Wokeen weet, wo lang de Geschicht mit unse Eekbööm un de Boombank noch wieder geiht ...
Dat weer de Geschicht vun unsen nu al meist 41 Johr olen Eekboom.

Stine Thomsen, 13 Johr oolt

BINGO! - Die Umwelt Lotterie Schleswig-Holsteinischer Heimatbund e.V. Stiftung Naturschutz Schleswig-Holstein Landesamt fuer Landwirtschaft, Umwelt und ländliche Räume - Schleswig-Holstein